ЗАЦВЕРДЖАНА

Пастанова Савета Міністраў

Рэспублікі Беларусь

03.12.2013  № 1035

 

 

ДЗЯРЖАЎНАЯ ПРАГРАМА

супрацоўніцтва з беларусамі замежжа ”Беларусы ў свеце“ на 2013 – 2015 гады

ГЛАВА 1

АГУЛЬНЫЯ ПАЛАЖЭННI

Дзяржаўная праграма супрацоўніцтва з беларусамі замежжа ”Беларусы ў свеце“ на 2013 – 2015 гады (далей – Дзяржаўная праграма) уяўляе сабой сістэму мер па рэалізацыі дзяржаўнай палітыкі Рэспублікі Беларусь у сферы ўзаемаадносін з беларусамі замежжа.

Дзяржаўная праграма накіравана на забеспячэнне комплекснага ўзаемадзеяння органаў дзяржаўнага кіравання, грамадскіх аб’яднанняў Рэспублікі Беларусь з беларусамі замежжа, далучэнне беларускай дыяспары да ўдзелу ў рэалізацыі праграмм сацыяльна-эканамічнага і  культурнага развіцця Рэспублікі Беларусь, захаванне і падтрымку яе нацыянальна-культурнай ідэнтычнасці.

Дзяржаўная праграма распрацавана ў адпаведнасці з пунктам  49 мерапрыемстваў па выкананню Праграмы сацыяльна-эканамічнага развіцця Рэспублікі Беларусь на 2011 – 2015  гады, зацверджаных пастановай Савета Міністраў Рэспублікі Беларусь ад 11  ліпеня 2011 г. № 942 (Национальный реестр правовых актов Республики Беларусь, 2011 г., № 84, 5/34153), і пунктам 79 мерапрыемстваў Дзяржаўнай праграмы ”Культура Беларусі“ на 2011 – 2015 гады, зацверджанай пастановай Савета Міністраў Рэспублікі Беларусь ад 26 снежня 2010 г. № 1905 (Национальный реестр правовых актов Республики Беларусь, 2011 г., № 11, 5/33091).

ГЛАВА 2

ТЭХНIКА-ЭКАНАМIЧНАЕ АБГРУНТАВАННЕ

ДЗЯРЖАЎНАЙ ПРАГРАМЫ

На сённяшні дзень колькасны склад беларускай дыяспары ў  свеце, па інфармацыі з  розных крыніц, складае каля 2,5  млн. чалавек і мае найбольш трывалае прадстаўніцтва ў суседніх з Беларуссю краінах (Расія, краіны Балтыі, Украіна, Польшча, Казахстан, Малдова).

У многіх краінах свету існуюць грамадскія аб’яднанні этнічных беларусаў, якія ажыццяўляюць разнастайную сацыякультурную дзейнасць. Большасць такіх грамадскіх аб’яднанняў актыўна дзейнічае ў Расіі, Украіне, Літве, Латвіі, Эстоніі, Польшчы, Малдове. Беларуская дыяспара прысутнічае таксама ў краінах далёкага замежжа – у  Германіі, Аўстрыі, Вялікабрытаніі, Нідэрландах, ЗША, Канадзе, Аргенціне, Аўстраліі і іншых.

Дзяржаўная палітыка Рэспублікі Беларусь у адносінах да беларусаў замежжа развіваецца на аснове прынцыпу партнёрства, зыходзячы з заканадаўства Рэспублікі Беларусь, заканадаўства краін пражывання беларускай дыяспары, і на падставе дзеючых двухбаковых пагадненняў і норм міжнароднага права.

Беларуская дыяспара разглядаецца як важнейшы нацыянальны, інтэлектуальны, сацыяльна-культурны, дэмаграфічны і эканамічны рэсурс Рэспублікі Беларусь, які можа стаць важным фактарам ажыццяўлення беларускай знешняй і ўнутранай палітыкі, развіцця мнагавектарных сувязей з замежнымі краінамі ў інтарэсах Рэспублікі Беларусь, павышэння станоўчага міжнароднага іміджу беларускай дзяржавы.

Ёсць станоўчыя прыклады прыцягнення прадстаўнікоў беларускай дыяспары з ліку прадпрымальнікаў да садзейнічання ў стварэнні і развіцці за мяжой структур дзелавога супрацоўніцтва з Рэспублікай Беларусь. Дзякуючы падтрымцы дзяржавы рэалізуюцца асобныя мерапрыемствы па развіццю супрацоўніцтва з грамадскімі аб’яднаннямі беларусаў замежжа ў культурнай, адукацыйнай, інфармацыйнай і іншых сферах.

Разам з тым існуе неабходнасць распрацоўкі сістэмнага падыходу да пытання супрацоўніцтва з беларускай дыяспарай. Такі падыход будзе садзейнічаць больш прадметнаму супрацоўніцтву з беларусамі замежжа і выкарыстанню іх патэнцыялу ў рэалізацыі знешніх і ўнутраных інтарэсаў Рэспублікі Беларусь, якiя дыктуюцца мiжнароднай сітуацыяй у эканамiчнай, сацыяльна-палiтычнай, культурнай і іншых сферах.

Аб’яднанне розных напрамкаў мэтанакіраванай работы з беларусамі замежжа, якая ажыццяўляецца рэспубліканскімі органамі дзяржаўнага кіравання, таксама дазволіць больш эфектыўна выкарыстоўваць патэнцыял беларускай дыяспары для садзейнічання сацыяльна-эканамічнаму развіццю Рэспублікі Беларусь, папулярызацыі за мяжой дасягненняў беларускай культуры, духоўных каштоўнасцей беларускага грамадства.

ГЛАВА 3

МЭТА, ЗАДАЧЫ I ПАКАЗЧЫКI ДЗЯРЖАЎНАЙ ПРАГРАМЫ

Мэтай Дзяржаўнай праграмы з’яўляецца стварэнне сістэмы дзяржаўнай падтрымкі і развіцця партнёрскага супрацоўніцтва з беларусамі замежжа ў сацыяльна-эканамічнай, інфармацыйнай, адукацыйнай, культурнай і іншых сферах.

Для рэалiзацыi мэты Дзяржаўнай праграмы патрабуецца вырашэнне наступных задач:

удасканаленне арганізацыйных механізмаў для далейшага развіцця рознабаковых узаемаадносін з беларускай дыяспарай;

забеспячэнне беларусаў замежжа інфармацыяй аб сацыяльна-эканамічным, грамадска-палітычным і культурным жыцці сучаснай Беларусі;

стварэнне ўмоў для наладжвання эканамічных кантактаў з беларусамі замежжа;

стварэнне ўмоў і ўдасканаленне механізмаў ўзаемадзеяння з беларусамі замежжа ў сацыякультурнай сферы, садзейнічанне захаванню беларускай дыяспарай нацыянальна-культурнай ідэнтычнасці;

садзейнічанне беларусам замежжа ў захаванні беларускай мовы.

Эфектыўнасць выканання задач Дзяржаўнай праграмы вызначаецца дасягненнем паказчыкаў згодна з дадаткам 1, якія прадстаўлены па гадах на працягу ўсяго тэрміну яе рэалізацыі.

ГЛАВА 4

РЭСУРСНАЕ ЗАБЕСПЯЧЭННЕ ДЗЯРЖАЎНАЙ ПРАГРАМЫ

У 2013 – 2015 гадах на рэалiзацыю мерапрыемстваў Дзяржаўнай праграмы спатрэбяцца сродкi ў суме 14 620,7 млн. рублёў, у тым лiку з рэспублiканскага бюджэту – 14 130,7 млн. рублёў, мясцовых бюджэтаў – 490 млн. рублёў. З iншых крынiц фінансавыя сродкі не прадугледжваюцца.

Рэсурснае забеспячэнне Дзяржаўнай праграмы ажыццяўляецца згодна з дадаткам 2.

Дзяржаўнай праграмай не прадугледжваюцца закупкі імпартных тавараў.

ГЛАВА 5

МЕРАПРЫЕМСТВЫ ДЗЯРЖАЎНАЙ ПРАГРАМЫ

I ПЛАНУЕМЫЯ  ВЫНIКI

Рэалізацыя мерапрыемстваў Дзяржаўнай праграмы згодна з дадаткам 3, накiраваных на дасягненне паказчыкаў, якiя адпавядаюць яе задачам, будзе спрыяць:

         кансалідацыі беларускай дыяспары, захаванню і пашырэнню беларускай прысутнасці ў свеце, пашырэнню адзінай інфармацыйнай і  культурнай прасторы сусветнага беларускага супольніцтва;

         умацаванню ў краіне і за яе межамі пазітыўнага іміджу Рэспублікі Беларусь як сучаснай еўрапейскай дзяржавы;

павышэнню палітычнай i эканамiчнай эфектыўнасці супрацоўніцтва Рэспублікі Беларусь з беларусамі замежжа за кошт стварэння новых і  развіцця існуючых механізмаў узаемавыгаднага партнёрства, далучэння беларусаў замежжа да ўдзелу ў рэалізацыі праграм сацыяльна-эканамічнага і  культурнага развіцця Рэспублікі Беларусь;

         забеспячэнню рэалізацыі грамадзянскіх правоў і законных інтарэсаў беларусаў замежжа.

Па папярэдняй ацэнцы ад рэалізацыі Дзяржаўнай праграмы прагназуюцца наступныя вынікі:

забеспячэнне каардынацыі дзейнасці органаў дзяржаўнага кіравання, грамадскіх аб’яднанняў і іншых інстытутаў грамадскай супольнасці па ўзаемадзеянню з беларусамі замежжа;

павышэнне эфектыўнасці абароны правоў і законных інтарэсаў беларускіх грамадзян за мяжой;

забеспячэнне духоўнага і культурнага развіцця беларускай дыяспары і ўмацавання яе сувязей з этнічнай Радзімай;

прыцягненне ў краіну высокакваліфікаваных спецыялістаў і  навуковых работнікаў з ліку беларусаў, якія пражываюць або працуюць за мяжой, да ўдзелу ў рэалізацыі сумесных навукова-тэхнічных даследаванняў і інавацыйных праектаў;

стварэнне ўмоў для ўдзелу беларусаў замежжа ў развіцці міжнароднага турызму ў Беларусі;

стварэнне сеткі інфармацыйных цэнтраў Беларусі на базе грамадскіх аб’яднанняў беларускай дыяспары;

пашырэнне інфармацыйнага абмену з беларусамі замежжа;

правядзенне на сістэмнай аснове рознабаковых даследаванняў па пытаннях гісторыі і сучаснага развіцця беларускай дыяспары;

актывізацыя падтрымкі грамадскіх аб’яднанняў беларускай дыяспары ў арганізацыі імі культурна-асветніцкай дзейнасці;

павелічэнне колькасці культурных мерапрыемстваў, якія праводзяцца ў Рэспубліцы Беларусь, з удзелам беларусаў замежжа;

вяртанне нацыянальных культурных каштоўнасцей, якія апынуліся за межамі Беларусі;

захаванне вывучэння беларускай мовы ў краінах замежжа;

удасканаленне заканадаўства Рэспублікі Беларусь, якое рэгламентуе пытанні ўзаемаадносін з беларусамі замежжа.

 

Дадатак 1

да Дзяржаўнай праграмы супрацоўніцтва з беларусамі замежжа ”Беларусы ў свеце“ на 2013 - 2015 гады

 

Паказчыкі Дзяржаўнай праграмы супрацоўніцтва з беларусамі

замежжа ”Беларусы ў свеце“ на 2013 - 2015 гады

Задачы	Паказчыкі рэалізацыі задачы	Адзінка вымярэння паказчыка	Значэнне паказчыка па гадах
			2013	2014	2015
1. Удасканаленне арганізацыйных механізмаў для далейшага развіцця рознабаковых узаема-адносін з беларускай дыяспарай	правядзенне пасяджэнняў Кансуль-татыўнага савета па справах беларусаў замежжа пры Міністэрстве культуры	колькасць пасяджэн-няў	1	1	1
2. Забеспячэнне беларусаў замежжа інфармацыяй аб сацыяльна-эканамічным, грамадска-палітычным і культурным жыцці сучаснай Беларусі	удзел замежных калектываў мастацкай творчасці і дэлегацый нацыянальна-культурных аб’яднанняў беларусаў у культурных мерапрыемствах, якія праводзяцца ў Рэспубліцы Беларусь	колькасць калекты-ваў мастацкай твор-часці,  дэлегацый	18	20	25
	удзел калектываў мастацкай творчасці, дэлегацый і прадстаўнікоў Рэспублікі Беларусь у мерапрыемствах аб’яд-нанняў беларусаў замежжа і іншых мерапрыемствах за мяжой	колькасць калекты-ваў, дэлегацый, прад-стаўнікоў Рэспублікі Беларусь	12	14	15
3. Стварэнне ўмоў для наладж-вання эканамічных кантактаў з беларусамі замежжа	удзел прадпрымальнікаў – беларусаў замежжа ў бізнес-форумах, якія праводзяцца на тэрыторыі Рэспублікі Беларусь	колькасць бізнес-форумаў	1	1	1
4. Стварэнне ўмоў і ўдасканаленне механізмаў ўзаемадзеяння з беларусамі замежжа ў сацыякульна-культурнай сферы, садзейнічанне захаванню беларускай дыяспарай нацыянальна-культурнай ідэнтыч­насці	правядзенне фестывалю мастацтваў беларусаў свету	колькасць	–	1	–
	правядзенне курсаў павышэння ква­ліфікацыі для актывістаў, кіраўнікоў калектываў мастацкай творчасці і грамадскіх аб’яднанняў беларусаў замежжа	колькасць курсаў	1	1	1
5. Садзейнічанне беларусам замежжа ў захаванні беларускай мовы	правядзенне курсаў павышэння квалі­фікацыі выкладчыкаў беларускай мовы	колькасць курсаў	1	1	1
	перадача вучэбнай, метадычнай, мастац­кай літаратуры грамадскім аб’яднан­ням беларусаў замежжа	колькасць камплек­таў кніг	6	6	6

Дадатак 2

да Дзяржаўнай праграмы супрацоўніцтва з беларусамі замежжа ”Беларусы ў свеце“ на 2013 - 2015 гады

Рэсурснае забеспячэнне Дзяржаўнай праграмы супрацоўніцтва з беларусамі замежжа ”Беларусы ў свеце“ на 2013  –  2015 гады

Задачы Дзяржаўнай праграмы і крыніцы фінансавання	Заказчык	Плануемыя аб’ёмы расходаў па гадах, тыс. рублёў*
		2013	2014	2015
1. Удасканаленне арганізацыйных меха-нізмаў для далейшага развіцця розна-баковых узаемаадносін з беларускай дыяспарай – рэспубліканскі бюджэт	Упаўнаважаны па спра-вах рэлігій і нацыя-нальнасцей	–	15 000	20 000
2. Забеспячэнне беларусаў замежжа інфармацыяй аб сацыяльна-эканаміч-ным, грамадска-палітычным і культур-ным жыцці сучаснай Беларусі – рэс-публіканскі бюджэт	Мінінфарм	–	371 000	378 300
3. Стварэнне ўмоў для наладжвання эканамічных кантактаў з беларусамі замежжа – рэспубліканскі бюджэт	МЗС	–	–	–
4. Стварэнне ўмоў і ўдасканаленне механізмаў узаемадзеяння з беларусамі замежжа ў сацыякультурнай сферы, садзейнічанне захаванню беларускай дыяспарай нацыянальна-культурнай ідэнтычнасці – усяго		–	2 824 700	2 620 000
у тым ліку:
рэспубліканскі бюджэт		–	2 724 700	2 430 000
з іх:
Мінкультуры		–	1 400 000	900 000
Мінадукацыя		–	–	–
Мінінфарм		–	1 100 000	1 230 000
Упаўнаважаны па справах рэлігій і нацыянальнасцей		–	224 700	300 000
мясцовыя бюджэты – Гродзенскі аблвыканкам		–	100 000	190 000
5. Садзейнічанне беларусам замежжа ў  захаванні беларускай мовы – рэспубліканскі бюджэт	Мінадукацыя	–	98 000	120 000
Усяго па Дзяржаўнай праграме		–	3 308 700	3 138 300
у тым ліку:
рэспубліканскі бюджэт		–	3 208 700	2 948 300
з іх:
Мінкультуры		–	1 400 000	900 000
Мінадукацыя		–	98 000	120 000
Мінінфарм		–	1 471 000	1 608 300
Упаўнаважаны па справах рэлігій і нацыянальнасцей		–	239 700	320 000
мясцовыя бюджэты – Гродзенскі аблвыканкам		–	100 000	190 000